Il fanadur avevan ins constatà tar tests da PCR sin basa da spida per part memia blers scherms en la soluziun da sal. Pertutgads eran 100'000 tests dal producider Disposan. Bleras scolas temevan stretgas da furniziun suenter las vacanzas da stad.
Uss è il problem schlià
Novs tests èn a disposiziun. La gruppa d’ospitals Hirslanden ha communitgà, ch’ella haja sviluppà novs tests ensemen cun l’interpresa «Ender diagnostics» e suenter avair consultà l’Uffizi federal da sanadad.
A Turitg mettan 200 persunas en lavur en squadras ensemen almain 60'000 testkits per di. En ils chantuns ZH, BE, LU, SZ, ZG, SH, FR, JU e VS pon ins uschia era a cumenzar a testar suenter las vacanzas da stad. Ils chantuns Grischun ed Argovia han grazia a reservas anc avunda tests.