Suenter ils schlets resultats da las scolaras e dals scolars svizzers tar il test da matematica ch'è vegni fatg en l'entira Svizra, datti entant critica pervia dal grad da difficultad dals pensums. Quai rapporta la «Sonntagszeitung».
La gasetta sa referescha latiers sin in rapport dal center per tests da furmaziun dal Luxemburg. Quel crititgescha ch'ils pensums sajan stads surfatg ambizius en cumparegliaziun cun ils ulteriurs pajais. Las ambiziuns svizras per cuntanscher pretensiuns minimalas sajan extrem autas, hai num. Quai saja er la raschun, pertge che be 62% da las scolaras e dals scolars en Svizra, n'hajan betg cuntanschì las finamiras.
RR novitads 12:00