Siglir tar il cuntegn

Header

audio
Mezdi: Notas per las raits mobilas en Svizra
Or da Actualitad dals 04.12.2019.
laschar ir. Durada: 2 minutas 20 Secundas.
cuntegn

Testà la telefonia mobila Swisscom ha la meglra rait

Il magazin da telecommunicaziun tudestg «Connect» ha testà las raits da telefonia mobila en Svizra, Germania ed Austria. En Svizra gudogna la Swisscom avant Sunrise e Salt.

L'onn passà partevan Swissom e Sunrise anc l'emprim plaz. Las differenzas tranter ils furniturs sajan dentant fitg pitschnas. Cunzunt durant viadis cun tren sajan las differenzas da percorscher. Swisscom e Sunrise sajan là megliers che Salt. Il medem vala sch'i va per mirar videos u films en l'internet. Il furnitur Salt haja dentant sa miglierà en cumparegliaziun cun ils davos onns. En la Germania fiss Salt cun quest dumber da puncts il meglier furnitur da telefonia mobila.

Ils giudicaments tenor la revista:

Svizra

  1. Swisscom - 974 puncts (nota: «extraordinari»)
  2. Sunrise - 967 puncts (nota: «extraordinari»)
  3. Salt - 923 puncts (nota: «fitg bun»)

Germania

  1. Telekom - 900 (nota: «fitg bun»)
  2. Vodafone - 834 (nota: «bun»)
  3. Telefonica - 758 (nota: «bun»)

Austria

  1. Magenta - 955 (nota: «extraordinari»)
  2. A1 - 951 (nota: «extraordinari»)
  3. Hutchinson3 - 908 (nota: «fitg bun»)

RTR actualitad 11:00

Artitgels legids il pli savens