Siglir tar il cuntegn

Header

Duas persunas cun mascrina en in'apoteca.
Legenda: Keystone
cuntegn

Tests da corona Apotecas sut squitsch pervi dal grond interess

Cunzunt avant las fins d’emna èn las apotecas mintgamai fullanadas, cun persunas che vulan far in test da corona. Quel dovra la glieud per las vacanzas u per ir en in club.

Las apotecas sajan al limit, ha ditg la presidenta da la Societad svizra dals apotechers Martine Ruggli envers la gasetta «Blick». La problematica fundamentala saja, ch’ils tests svelts d’antigens sajan valaivels be dus dis. E perquai ch’ina gronda part da la populaziun parta la sonda en vacanzas, datti cunzunt avant e durant la fin d’emna colonnas davant las apotecas.

Plinavant menziunescha Martine Ruggli, che bleras apotecas hajan gia schlargià lur temps d’avertura. Magari saja pussaivel da sa laschar testar da las 6 la damaun fin suenter che l’apoteca serria. Damai ch’i saja difficil d’augmentar anc pli fitg las capacitads da las apotecas, propona Ruggli da transfurmar ils centers da vaccinar en centers da testar durant las fins d’emna.

«10 vor 10» – Senza tests restan clubs serrads:

video
Blers clubs sin la champagna restan vinavant serrads
Or da 10 vor 10 dals 05.07.2021.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga