Siglir tar il cuntegn

Header

cuntegn

Tests da coronavirus L'Uffizi da sanadad schlargia ils criteris per laschar testar

L’Uffizi federal da sanadad BAG ha decidì da schlargiar ils criteris da testar sin il virus da corona. Da nov duain er persunas ch’han sintoms d’ina malsogna da la via respiratorica acuta, cun u senza fevra, ch’han mal ils musculs, che na savuran betg pli uschè bain u che perdan il gust vegnir testadas.

Plinavant duain medis e medias chantunalas er pudair ordinar da testar persunas en ospitals u chasas da tgira, sche quai fetschia senn. Uschia vulian ins evitar ch'il virus sa derasa vinavant.

Las mesiras èn ina part da la nova strategia da testar durant ch'i vegn schluccà las mesiras actualas dal coronavirus ils 27 d'avrigl. Cun schluccar las mesiras pudess il dumber dals cas numnadamain puspè s'auzar, scriva l'Uffizi.

RTR novitads 12:00

Artitgels legids il pli savens

Ir a sanester Ir a dretg