Siglir tar il cuntegn

Header

audio
Test da sirenas: tge muntan ils differents alarms?
Or da Actualitad dals 02.02.2022.
abspielen. Laufzeit 3 minutas 42 Sekunden.
cuntegn

Tests da sirenas d'alarm Be ina suletta en il chantun n'ha betg funcziunà

Suenter ils tests da las sirenas ha il chantun Grischun fatg in'emprima evaluaziun. Da las 338 sirenas messas en funcziun la mesemna, n'haja sulet ina sirena da l'alarm general betg funcziunà, scriva l'Uffizi da militar e da protecziun civila. Las sirenas da l'alarm d'aua hajan tuttas funcziunà.

Mintg'onn vegnan testadas l'emprima mesemna dal favrer las sirenas d'alarm. En tut vai per testar var 7'200 sirenas d'alarm en l'entira Svizra. Sco usità han ins testà duas differentas sirenas d'alarm, sco emprim l'alarm general.

audio
Alarm general
aus RTR Audio vom 02.02.2022.
abspielen. Laufzeit 47 Sekunden.

Silsuenter èn vegnidas testadas las sirenas per l'alarm d'aua. Quel vegn mo activà en territoris da mirs da fermada.

audio
Alarm d'aua
aus RTR Audio vom 02.02.2022.
abspielen. Laufzeit 20 Sekunden.

Co èsi da reagir en in cas serius?

Schi'ns auda las sirenas in di nua ch'i na vegnan betg testadas las sirenas, èsi pussaivel ch'i sa tracta d'in privel per la populaziun. En in tal cas ston ins reagir immediat. Tar l'alarm general ston ins subit tadlar radio u s'infurmar sur l'app «Alert-Swiss» per vegnir a savair co agir. Sch'ins auda percunter l'alarm d'aua munta quai ch'i dat in privel direct sut in mir da fermada. En quest cas ston ins subit bandunar il territori da privel. Ils differents plans da fugia èn da chattar tar las vischnancas.

RTR actualitad 17:00

Artitgels legids il pli savens

Scrollar a sanestra Scrollar a dretga