Il producent d'emballadis Tetra Pak vul smetter la producziun en sia fabrica a Romont en il chantun Friburg. Definitivamain decider vul Tetra Pak dentant pir la stad 2016. Ina tala decisiun muntass che 123 plazzas da lavur svanissan.
Sco l’interpresa scriva, n’haja la serrada da far ni cun la qualitad da la lavur al lieu ni cun l’engaschament dals collavuraturs.
Augementar effizienza e sbassar custs
Cun serrar la fabrica quinta Tetra Pak d'augmentar l'effizienza e da sbassar ils custs, ed uschia esser meglier capabla da concurrer, sco l'interpresa communitgescha. La producziun vegniss spustada en auters pajais europeics.
