Siglir tar il cuntegn

Svizra Tgirunzas duain survegnir dapli cumpetenzas

Persunas responsablas per la tgira duain survegnir dapli cumpetenzas, sch'i va per sclerir ils basegns dals pazients. Il Cussegl federal ha decis da far midadas en l'ordinaziun da prestaziun per la tgira e tramess quella en la consultaziun.

Purtret d'ina tgirunza che gida in pazient dad ir a pe.
Legenda: Tgirunzs e tgirunzas duain survegnir dapli cumpetenzas. Keystone

Da nov duai dar er premissas minimalas envers las chasas da tgira, quai che pertutga il registrar ils basegns da tgira. Qua tras duain ils assicurads en tut ils chantuns vegnir tractads tuttina. Il medem mument survegnia il persunal responsabel per la tgira dapli cumpetenzas, quai per persunas che lavuran en il sectur privat sco era persunas che lavuran per chasas da tgira ed organisaziuns. La valur per lur lavur vegn cun quai augmentada e la lavur administrativa vegn pli simpla.

RR novitads 16:00