Svizra - Thalwil: 450 passagiers da tren vegnan evacuads ord in tunnel
Questa damaun hai dà in disturbi da tren sin il traject tranter Turitg e Thalwil. En il tunnel dal Zimmerberg è ina locomotiva d'in tren regiunal stada bloccada, quai ha la Viafier federala confermà sin dumonda da RTR.
Da tge disturbi ch'i sa tracta precis n'è betg cler. Cunquai ch'igl n'è betg stà pussaivel da trair or il tren dal tunnel han ils radund 450 passagiers stuì bandunar il tunnel a pe e midar sin in tren spezial.
L'evcuaziun saja succedida senza incaps. Il tunnel dal Zimmerberg è stà serrà per intginas uras. Tenor la SBB èsi anc adina da quintar cun retard da fin 10 minutas.
