Thomas Jordan, il president da la Banca naziunala svizra, è levet optimistic davart il svilup conjunctural da quest e l’auter onn. Dentant restia la malsegirezza pervi da la pandemia da corona vinavant gronda – ha ditg Jordan en la «Schweiz am Wochenende.»
Er il martgà d’immobiglias saja in factur da ristga. Las bancas na duajan betg ristgar memia bler, cura ch’els concedian credits. Ils tschains ipotecars pudessan er puspè crescher. En connex cun la cunvegna da basa cun l’UE ch’ha fatg naufragi manegia Jordan, ch’i saja chaussa da la politica d’organisar las relaziuns cun l’Europa. Quella restia vinavant fitg impurtanta per l’economia svizra.