Cun serrar dus da sis ospitals, duain las resursas vegnir repartidas meglier e la situaziun finanziala duai vegnir meglierada, scriva il concern en sia communicaziun. La gruppa Insel ha serrà l'onn passà cun 80 milliuns francs en il minus.
L'ospital a Münsingen duai vegnir serrà gia per la fin da zercladur 2023, quel a Tiefenau en la citad da Berna per la fin da l'onn. La purschida dals dus ospitals duain vegnir manadas vinavant en auters ospitals da la gruppa.
La maioritad dals collavuraturs pertutgads duai restar tar la gruppa Insla. Uschia vegn garantì al persunal dal fatg medicinal ina plazza entaifer il concern. Per ils ulteriurs collavuraturs duai dar schliaziuns individualas. La gruppa parta dal fatg che radund 400 persunas vegnian a perder lur lavur. A radund 200 persunas vegn probablamain visada la plazza.
La gruppa cumenza uss cun il proceder da consultaziun perscrit.