Tscherta glieud ha pli spert fraid ch'autra e quai cunzunt cun trair en dapli vestgadira. Tenor Erich Hohenauer, il substitut dal manader da perscrutaziun a la Scol'auta professiunala SUPSI datti duas raschuns per quest fenomen. Per l'ina gioga la schlattaina ina rolla e per l'autra hajan persunas cun dapli massa musculara ina meglra protecziun cunter il fraid perquai ch'els pon producir dapli energia da chalur che quels ch'han pli pauc.
Far frunt al fraid è dentant pussaivel per tuts. Tenor Hohenauer datti perquai duas strategias. Ina è da s'endisar vi dal fraid e l'autra è da trair en vestgadira chauda. Quai na munta dentant betg mo ina giacca chauda. I vala il princip da la tschagula.
1. Trenament da la fradaglia
- Dadora, trair en ina stresa pli pauc
- Far la duscha in zic pli fraid, dentant betg memia fraid
- Sbassar la temperatura en chasa
2. Activitad
- Far sport per bajegiar si musculs
- Cura ch'ins ha fraid sa mover
- Far massascha
3. Nutriment
- Mangiar e baiver avunda per ch'il corp ha avunda energia
- Baiver e mangiar chaud