Svizra - Tirchia deplorescha che Berna na chastia betg demonstrants
La Tirchia deplorescha la decisiun da las autoritads da la citad da Berna da betg punir demonstrants ch’eran marschads durant ina demonstraziun cun in placat cunter Erdogan.
La Tirchia pretenda anc adina che las persunas vegnian chastiadas, scriva il ministeri da l’exteriur tirc. L’inspecturat da polizia da la citad da Berna aveva decis da betg intervegnir cunter las persunas che purtavan quest placat dispitaivel. Tenor las autoritads na saja la lescha da protestas betg vegnida tangada.