Il titular dal Premi Nobel per chemia Richard Ernst è mort il venderdi passà en la vegliadetgna dad 87 onns. Quai ha sia famiglia communitgà sin sia pagina d'internet.
Il scienzà svizzer aveva survegnì il Premi Nobel l'onn 1991 per sia lavur vi da la tomografia da resonanza magnetica MRI. Las metodas sviluppadas dad Ernst han gidà ad augmentar marcantamain la sensibilitad e la resoluziun dals apparats da diagnosa. Sia perscrutaziun è stada la basa per la moderna terapia da MRI. Cun quella èsi pussaivel da controllar organs e tessì da pazients senza radis Röntgen nuschaivels.
