Siglir tar il cuntegn

Header

toni brunner avant il logo  cun sulegl
Legenda: Toni Brunner na vul betg pli presidiar la Partida populara svizra. Keystone
cuntegn

Svizra Toni Brunner na vul betg pli diriger la PPS

Toni Brunner sa retira sco president da la Partida populara Svizra sin la fin dal temp d'uffizi uffizial, ils 23 d'avrigl.

A la fin da la dieta da cader da la PPS a Horn (TG) haja Toni Brunner , il link avra en ina nova fanestraannunzià sia demissiun, communitgescha la Partida populara svizra. Suenter 8 onns en il presidi da la partida veglia Toni Brunner en l'avegnir sa concentrar sin la lavur politica sco cusseglier naziunal e guardar per ses manaschi puril.

Toni Brunner è commember da la cumissiun per ambient, planisaziun dal spazi ed energia, e danov era en la cumissiun per segirtad sociala e sanadad.

Rösti duai succeder en ina direcziun renovada

La direcziun da la partida propona sco successur il cusseglier naziunal Albert Rösti da la PPS Berna, il link avra en ina nova fanestra. Ultra da quai vegn ina gruppa da lavur da la direcziun da la partida ad elavurar ina proposta per la cumposiziun da la direcziun da la partida en l'avegnir; quai per mauns da la radunanza da delegadas e delegads.

Era secretari general Martin Baltisser banduna ses post

Sper il president Toni Brunner vegn era il secretari general Martin Baltisser a sa retrair en il decurs da l'onn. Sco quai che la PPS scriva sin sia pagina online, vul Baltisser prender ina sfida en l'economia privata. Questa successiun vul la partida reglar las proximas emnas.

RR novitads 14:00

Artitgels legids il pli savens

Scrollar a sanestra Scrollar a dretga