Siglir tar il cuntegn

Header

Campadi.
Legenda: Campadis genereschan per onn 6,3% da tut las pernottaziuns registradas. Keystone
cuntegn

Tractar sco hotels Plazzas da campar duain vegnir avertas immediat

Swisscamps, l'uniun svizra da campadis pretenda dal Cussegl federal da pudair avrir ils campadis per immediat. I na saja betg plausibel, pertge che campadis vegnian tractads auter che hotels, alloschis da giuventetgna u chamonas dal club alpin svizzer. Las reglas da distanza na possian vegnir resguardadas nagliur uschè bain sco sin campadis. Sch'il Cussegl federal propagheschia vacanzas en Svizra, saja grotesc da tegnair serrà campadis.

Reglas pon vegnir retegnidas

Las reglas dal BAG vegnian sin ils campadis respectads cumplainamain. La sanadad dals collavuraturs e dals giasts haja prima prioritad. Swisscamps haja elavurà in concept funcziunal ch'ins haja inoltrà al BAG per approvaziun. Ins possia entrar sin in campadi be sch'ins haja reservà, gruppas na sajan betg lubidas. En ils stabiliments communabels possian ins retegnair la distanza da 2 meters.

80% dals giasts en svizzers

Campadis genereschan tenor Swisscamps per onn dapli che 3,5 milliuns pernottaziuns u 6,3% da tut las pernottaziuns registradas. Var 80% dals giasts da campadis èn da la Svizra.

Ord l'archiv

Cun 71 vuschs gea e sulet ina cuntravusch ha il suveran da Tusaun decidì, da cumprar il campadi Viamala ch'è ì concurs la primavaira.

RTR novitads 06:00

Artitgels legids il pli savens

Scrollar a sanestra Scrollar a dretga