Siglir tar il cuntegn

Header

cuntegn

Traffic aviatic Lufthansa quinta cun stretgas tar persunal a terra

Il traffic aviatic da persunas privatas sa revegn puspè fin 2023. Uschia la prognosa dal schef da la Lufthansa Carsten Spohr en ina intervista cun la «Schweiz am Wochenende». Quai però era cun dir ch'ins quintia ch'ils preschs creschian tut tenor. Il pli grond problem saja actualmain però la mancanza da persunal als aeroports.

Mancanza da persunal actualmain la pli gronda sfida

Bleras plazzas en il sectur da segirezza ed interpresas da servetschs sajan vegnidas stritgadas durant la pandemia. Spezialmain en il sectur da la segirezza dovria per part lubientschas d'uffizis per dastgar luvrar, e questas na possian ins betg remplazar usché spert sco'i fiss necessari. Là haja la branscha calculà fallà, di Carsten Spohr.

Ussa anc stritgar sgols – però optimistic per l'auter onn

Era la Lufthansa stoppia stritgar passa 100 sgols mo questa fin d'jamna. In ulteriur punct che fa quitads il pretsch da kerosin ch'è sa dublegià aifer curt temp e munta fin ad 30% dals custs d'in sgol. Sch'il pretsch per in barrel ieli creschia per 10 dollars, lura giaja era il pretsch per in tichet ensi per radund 10 dollars. Tuttina quinta Spohr ch'i dettia enfin l'auter onn puspè tuttina blers sgols privats sco avant la pandeimia. Ins sentia gia ussa vid las cudeschaziuns ch'il basegn da viagiar saja avant maun.

audio
Per tadlar curt e cumpact
aus RTR Audio vom 09.04.2022.
abspielen. Laufzeit 1 minuta 18 Sekunden.

RTR novitads 17:00

Artitgels legids il pli savens

Scrollar a sanestra Scrollar a dretga