En Svizra hai dà l'onn passà pli pauc traffic da martganzia. Quai ha communitgà l'Uffizi federal da statistica. Il traffic sin vias e binaris ha dentant patì damain che la vitgira aviatica. La raschun per quai, è il sustegn dal traffic sin vias e binaris, per proveder la populaziun cun rauba impurtanta durant la pandemia.
Cumpareglià cun l'onn avant è il traffic sin vias be sa sminuì per var 1%, il traffic sin binaris per var 2,7%. Percunter, è la vitgira aviatica sa reducida per 41%. Durant il segund quartal han ins dentant tuttina fatg in bun tant pli paucs kilometers. Cun 549 milliuns kilometers numnadamain uschè paucs sco dapi il 2003 betg pli. Cumpareglià cun il 2019 è quai in minus da 5,9%.
Durant ils ulteriurs quartals èsi dentant restà en la media dals onns avant. Uschia è sa resultà la finala in minus dad 16%.