Siglir tar il cuntegn

Header

cuntegn

Traffic da rauba pesant Cussegl naziunal vul ulteriuras mesiras

Progress hai dà, il dumber dals camiuns che van tras las Alps è anc adina cleramain sur la finamira da transferir il traffic da rauba pesant sin la viafier. Il Cussegl federal ha gia fatg propostas, uss ha il Cussegl naziunal dà ulteriuras incumbensas.

Il Cussegl naziunal ha decidì concret la gievgia, da vulair far sin trais vias pressiunper transferir sin la viafier il traffic da rauba pesant.

Sco emprim duain ils pajais en il nord da la Svizra far vinavant cun engrondir ils trajects da viafier che mainan vers la Svizra. Lura duai dar dapli chars che cranas pon spustar, uschenumnadas semiremortgas. E sco terz duai il nov traffic ed il traffic supplementar ord las regiuns midar pli savens da la via sin la viafier.

Las propostas ch’èn er en il senn dal Cussegl federal, van per part anc al Cussegl dals chantuns. Novas mesiras per transferir il traffic da rauba pesant sin la viafier aveva il Cussegl federal gia annunzià, cun preschentar il nov rapport davart il transport pesant il november passà.

Telesguard dal 2006 – cun agid d'ina crana da la via sin la viafier:

video
La Viafier retica ha installà ina crana a Glion
Or da Telesguard dals 31.05.2006.
abspielen. Laufzeit 2 minutas 52 Sekunden.

RTR novitads

Artitgels legids il pli savens

Scrollar a sanestra Scrollar a dretga