- Venderdi la damaun a las 05:00 uras pon puspè vegnir nizzegiads omadus tunnels dal tunnel da basa dal Lötschberg, dentant anc betg en il manaschi normal.
- Ils motivs per l'erupziun d'aua ils 6 da favrer n'èn anc betg clers.
Daniel Wyder, manader infrastructura BLS, e ses collega Stefan Irngartinger han declerà ad ina conferenza da medias, co il tunnel è isolà. Ils sistems d'isolaziun sajan vegnids testads intensivamain avant la construcziun. Cunquai ch'i na dettia betg en l'entir tunnel tuttina blera aua che frunta sin il tunnel, na saja betg l'entir traject isolà tuttina.
video
Stefan Irngartinger (BLS) declera il sistem d'isolaziun
Or da News-Clip dals 19.02.2020.
laschar ir. Durada: 1 minuta 52 Secundas.
Irngartinger ha ditg, ch'il sistem d'isolaziun sa chattia davos la paraid, perquai na saja il mument betg pussibel d'examinar quel.
Davent dal venderdi pon ils trens cursar en omadus tunnels, dentant cun tempo reducì, uschia ch'i dat vinavant retards.
RTR novitads 11:00