Il Cussegl federal vul sviluppar la rait d'autostradas en Svizra. Perquai ha el dumandà il parlament per in credit da 4,3 milliardas francs, ha ditg la cussegliera federala Simonetta Sommaruga a las medias a Berna.
Il cussegl federal vul realisar tschintg projects:
- engrondir la A1 en la regiun da Berna en dus lieus tranter Wankdorf e Kirchberg
- in terz tunnel tar il Rosenberg a Son Gagl ed il Rheintunnel a Basilea
- dar liber liant il segund bischen dal Fäsenstaubtunnel a Schaffusa
Tenor la ministra da traffic Sommaruga èn tut quests projects progredids bain en la planisaziun, uschia ch'ins possia cumenzar cun las lavurs da construcziun aifer ils proxims quatter onns.
Revalurisar quartiers e promover traffic public e plaun
Cun quests project vul il Cussegl federal surtut distgargiar las regiuns abitadas – e quai cun accent tar las agglomeraziuns. Uschia vegnissan quartiers revalurisads ed i dettia dapli spazi per il traffic public ed il traffic plaun.
La populaziun na vul naginas autostradas permez la citad.
Sper quests projects ha il Cussegl federal era fixà il budget per manaschi, mantegniment ed adattaziuns da la rait da vias naziunalas per ils 2024 fin ils 2027. Quest munta a radund 8,4 milliardas francs.
Promover electromobilitad per dapli tancadis svelts
Promover vul il Cussegl federal però era dad engrondir l'infrastructura puncto electromobilitad. Quai cun crear las cundiziuns da basa che possibilitescha ad investurs d'installar tancadis per chargiar spert sin ils radund 100 pausadis en Svizra. Qua quinta il Cussegl federal cun preinvestiziuns da radund mez milliun francs tar mintga pausadi.