Il traffic public ha patì ferm sut la pandemia da corona. L’onn passà è il traffic da persunas tar la viafier crudà ensemen per 39% – uschè ferm sco anc mai. Ils kilometers da persunas èn stads cun 13,3 milliardas kilometers uschè bass sco dapi 19 onns betg pli. Meglier è l’onn stà per il traffic da rauba – cumparegli cun il 2019 – è quel sa reducì per 3%.
L'onn passà hai dà 27 accidents mortals en il traffic public. Quai èn dus dapli che l'onn 2019. Tenor l'Uffizi federal da statistica sa tracti tar ils accidents per gronda part da persunal e betg da passagiers.
