Il Cussegl federal vul sustegnair il traffic public regiunal da persunas ils proxims 4 onns cun 4.35 milliardas francs. Quai èn radund 250 milliuns francs dapli che durant la perioda dal 2018 fin 2021, sco la regenza federala communitgescha.
Cun ils daners da la Confederaziun pon interpresas da viafier, bus, bartga e pendicularas far investiziuns vi dal material rullant sco er schlargiar la purschida – uschia per exempel tar las lingias da tren da las regiuns da Turitg, Friburg u dal Vad. Grazia a l'augment da las contribuziuns, possia la Confederaziun er cofinanziar bus da notg e sustegnair innovaziuns, argumentescha il Cussegl federal. La decisiun definitiva davart il credit prenda lura il parlament.
Las consequenzas da la pandemia da corona per il traffic public vegnan tractads separat.
Ord l'archiv:
