Il tunnel da basa Ceneri stat a disposiziun regularmain per trens da persunas e da vitgira. Il tunnel da 15,4 kilometers lunghezza tranter Camorino en il nord e Vezia en il sid procura ch'ils viadis en direcziun Lugano daventan fin a 20 minutas pli sperts. Da nov dovran trens da Turitg a Lugano damain che duas uras.
Cun la midada dal nov urari vegn era il tunnel Eppenberg cun 3,1 kilometers tranter Olten ed Aarau averts. Il tunnel è vegnì bajegià durant tschintg onns. La construcziun da dus sin quatter vials augmenta la capacitad considerablamain.
Era il Grischun profitescha
Il Grischun profitescha lura supplementarmain la primavaira cura ch'i dat ulteriuras colliaziuns d'auto da posta tranter Cuira e Bellinzona, per part era cun damain fermadas.
Ord l'archiv
video
La perfuraziun dal tunnel da basa Ceneri – maletgs dal mument istoric
Or da Telesguard dals 21.01.2016.
laschar ir. Durada: 1 minuta 48 Secundas.