A Turitg mancan radund 30 chauffeuras e chauffeurs da bus e tram. Perquai tira l'Uniun da traffic turitgaisa VBZ uss consequenzas. Davent da la midada da l'urari curseschan main bus durant la saira.
Sco reacziun vul la VBZ scolar dapli persunal. Quai saja gia gartegià: per ils proxims mais sajan las classas plainas, di il directur da la VBZ envers SRF. Ina sfida saja tenor il pledader il stress durant la lavur, cunzunt pervia da dapli traffic da velos ed e-scooters a Turitg.
Er a Lucerna e Basilea in problem
A Lucerna è ina lingia da bus vegnida stritgada pervia da mancanza da persunal. Er là hajan ins rinforza perquai la scolaziun da nov persunal. Ed a Basilea stoppian ins adina puspè stritgar colliaziuns pervia da mancanza da persunal. Reducir las colliaziuns na saja dentant betg necessari.
A Berna n'hajan ins dentant nagin problem da mantegnair il traffic public, ha Bernmobil respundì sin dumonda da SRF.