Co la branscha vul cuntanscher quai ha l'Uniun dal traffic public preschentà oz a Berna. In punct decisiv saja l'investiziun en trens novs che dovran damain electricitad per stgaudar u sfradentar e per la ventilaziun. Ultra da quai possian ils trens moderns er recuperar electricitad cura ch'els frainan. Dasper quai duai era vegnir producì dapli energia regenerabla.
A la nova staziun a Landquart, saja per exempel previs d'installar panels solars sin ils tetgs dals perruns. ed era l'illuminaziun duai vegnir controllada a moda intelligenta. In grond sforz dovri dentant anc tar ils bus. Blers sajan anc equipads cun motors da diesel. Per la midada sin bus electrics, pretendia dentant grondas investiziuns da la branscha, per exempel en l'infrastructura sco lingias d'electricitad. L'Uniun dal traffic public pretenda perdquai er in sustegn finanzial dal maun public e regulaziuns bunmartgadas da la politica.
