Siglir tar il cuntegn

Header

cuntegn

Traffic public Persunal da tren pretenda obligatori da mascras

A quels che viageschan cun il traffic public vegn recumandà da purtar mascras. Perquai che be paucas pendularias e paucs pendularis portian dentant ina mascra en il traffic public, pretenda l'associaziun dal persunal da tren uss in obligatori da mascra.

La recumandaziun da purtar mascra vegnia realisà mal, ha ditg Andreas Menet, il president da l'associaziun, a «la NZZ am Sonntag». Er en vaguns bain occupads vegnia strusch purtà mascra ed il persunal saja perquai inquietà. Tenor Menet giavischa il persunal che la recumandaziun da purtar mascras vegnia anc pli clera. Il president da l'associaziun pretenda in obligatori da purtar mascras en il traffic public.

Il schef da l'SBB, Vincent Ducrot, na vul savair nagut d'in obligatori. Ins sa tegnia vid las cunvegnas cun la Confederaziun. Sumegliant hai era tunà tar autras interpresas da traffic public. Uschia per exempel era tar l'interpresa da transport da la citad da Cuira (VBZ). Els sa laschan sin l'atgna responsabladad e la solidaritad dals passagiers.

RTR novitads 06:00

Artitgels legids il pli savens

Ir a sanester Ir a dretg