Siglir tar il cuntegn

Header

video
Vincent Ducrot: «Il concept cumpiglia trais principis»
Or da News-Clip dals 30.04.2020.
laschar ir
cuntegn

Traffic public SBB ed RhB recumondan da purtar mascras

Las Viafiers federalas e l'AutoDaPosta recumondan da purtar mascras d'igiena en ils trens ed ils bus, sch'ins na po betg tegnair en la distanza da dus meters. Las interpresas han preschentà la gievgia lur concept da protecziun per il traffic public. Quai concept valia er per la Viafier retica.

I valian trais princips, ha ditg il schef da las Viafiers federalas Vincent Ducrot durant ina conferenza da video:

  • Far viadis mo sch'igl è necessari
  • Tegnair en las reglas da distanza
  • Evitar temps da grond traffic

Sche las reglas da distanza na possian betg vegnir resguardadas, vegn recumandà da purtar ina mascra. Il medem concept da protecziun valia er en ils trens da la Viafier retica, quai ha ditg sin dumonda Yvonne Dünser da l'RhB. Els surprendian las prescripziuns e recumandaziuns da l'SBB.

Pass per pass a l'urari normal

Tant las Viafiers federalas sco er l'AutoDaPosta vulan s'avischinar en etappas puspè ad in urari cumplain. Ils 11 da matg na saja dentant anc betg da quintar che tuttas lingias sajan puspè en funcziun. Ins vegnia a s'adattar al tempo dal Cussegl federal, ha ditg il CEO Vincent Ducrot. A partir dal prim da matg po la populaziun s'infurmar davart l'urari actualisà.

Plinavant han las interpresas affirmà ch'ins veglia nettegiar pli intensiv ils trens, bus, automats da bigliets sco er ils centers d'infurmaziun. Prioritad haja la protecziun da la clientella sco er dal persunal. Collavuraturs che vegnan en contact cun la clientella portian da nov mascras da protecziun. Per passagiers vala vinavant da cumprar in bigliet. A partir dals 11 da matg veglian las interpresas puspè intensivar las controllas.

RTR novitads 16:00

Artitgels legids il pli savens

Ir a sanester Ir a dretg