Gia l'emprim quartal da quest onn ha il traffic da persunas sin rodaglias nudà cifras da record. Quest trend ha er cuntinuà durant il segund quartal da quest onn. Da l’avrigl enfin il zercladur han uschè bleras persunas prendì il tren sco anc mai durant trais mais. Quai ha annunzià Litra – il servetsch d’infurmaziun da traffic sco er l’Uniun dals transports publics.
La circulaziun da persunas sin ils binaris è creschida il segund quartal da quest onn per stgars 5% sin 5,3 milliardas kilometers da persunas. Per calcular questa cifra vegn il dumber da passagiers multiplitgà cun ils kilometers che quels han fatg.
Fertant ch'il traffic da persunas è creschì ha il traffic da martganzias da cumbatter. En il segund quartal èn sulettamain 3,01 tonnas kilometricas nettas vegnidas fatgas. Quels sa cumponan ord ils kilometers ch'èn vegnids fatgs e la paisa ch'è vegnida transportada.
Svilup dal traffic
| 2. quartal 2019 | Midada en cumparaziun cun 2018 | |
| Kilometers da persunas (mia.) | 5,33 | 4,8% |
| Tonnas kilometricas nettas (mia.) | 3,01 | - 4,9% |
| Kilometers trassé (mia.) | 40,73 | 1,7% |
RR novitads 15:00