L’emprim mez onn 2019 èn cleramain pli paucas persunas mortas u sa blessadas grevamain sin vias svizras.
Dal schaner fin il zercladur èn mortas 75 persunas en accidents da traffic. Quai èn 27 pli pauc cumpareglià cun l'emprim mez onn da l'onn 2018. Il dumber da las persunas grev blessadas è sa reducì en questa perioda per 13% sin radund 1'550.
Privlus a pe u cun velo
Uschè paucas unfrendas dal traffic sin via n’haja el betg nudà fin uss, communitgescha l'Uffizi federal da vias Astra. Entant ch’i ha dà pli pauc mortoris en connex cun autos e motos ha l’Astra registrà dapli accidents mortals tar persunas ch'eran sin viadi a pe u cun il velo electric.
Ils resultats da questa statistica dals accidents sin via èn provisorics. Las cifras definitivas publitgescha l’Astra lura la primavaira 2020.
Rapport da SRF davart las cifras 2019:
RR novitads 14:00
