La nova vignetta d'autostrada datti da cumprar a partir dal december en ils lieus usitads sco tancadis, spurtegls ed uffizis per il traffic, ha communitgà l'Administraziun federala da duana. Ella è valaivla dal december 2021 enfin il schaner 2023.
E-vignetta
La vignetta electronica ha dentant retard, quella duess vegnir en il decurs dal 2023. Oriundamain vuleva il Cussegl federal dismetter la vignetta ch'ins po tatgar vid la fanestra da l'auto – è uss dentant sa decidì per la varianta fisica e quella digitala. La e-vignetta è colliada cun il numer da l'auto e po vegnir empustada e pajada online en Svizra e l'exteriur. Er quella custa 40 francs per onn.