La qualitad dal traffic tras las Alps na saja betg cuntentaivla e la situaziun saja anc sa pegiurada durant l’onn passà. Quai mussa in rapport da l'Uffizi federal da traffic. Sulettamain la mesadad dals trens da vitgira cuntanschian lur finamira pli u main senza retard – vul dir pli pauc che 30 minutas pli tard che previs. Mintga dieschavel tren haja in retard da passa 12 uras. Ils motivs per ils retards en tenor l’uffizi da traffic cunzunt dad tschertgar en l’exteriur. Las raschuns principalas èn plazzals e mancanzas da persunal.
RR novitads 10:00