Siglir tar il cuntegn

Header

cuntegn

Traffic Uffants duain pudair ir cun velo sin il passape

En Svizra duain uffants bainprest dastgar ir cun velo sin il passape. Il Cussegl federal vul probabel anc lubir quai durant quest onn. Cun quai duai la segirtad dals participants al traffic senza experientscha vegnida megliurada.

Per uffants fin 12 onns

Sco las gasettas da Tamedia rapportan, dastga la regenza dar ina tala lubientscha per decret. Tenor stan actual duaja questa regla valair per uffants fin 12 onns. Oz dastgan uffants be cun urdain sumegliant a vehichel sco velo d'uffants u velo da termagls ir sin passapes. Cun vairs velos dastgan els ir sin passapes be sche quai vegn explicit dà liber per far pli segir la via a scola e sche quai è era signalisà uschia.

Critica d'organisaziun da peduns

Organisaziun da peduns crititgeschan quests plans. Els teman ch’i vegnia ad esser uschia pli malsegir per peduns sin ils passapes. Las organisaziun han era tema che questa lubientscha intimescha era creschids d'ir cun velo sin passapes.

Ord l'archiv

RTR novitads 09:00