Siglir tar il cuntegn

Header

cuntegn

Svizra Trair giu dapli da la taglia per uffants

Il Cussegl naziunal vul laschar deducir dapli da la taglia per uffants che vegnan tgirads externamain.

Per la tgira d'uffants externa duain geniturs pudair deducir da la taglia federala fin a 25'000 francs per onn ed uffant. La premissa è dentant ch'i sa tracts da custs effectivs. Ozendi pon geniturs che laschan tgirar extern lur uffants trair giu 10’ 100 francs da la taglia federala directa.

Finamira da la reducziun è che dapli dunnas qualifitgadas lavurian vinavant era cun uffants.

Adversaris da la reducziun, oravant tut la Partida socialdemocratica, crititgescha cha da quella midada profitassan be famiglias cun grondas entradas e betg famiglias cun entradas pitschnas.

Vitiers vul il Cussegl naziunal che la deducziun da la taglia per uffant dess vegnir auzada da 6'500 sin 10’000 francs. Tenor il cusseglier federal Ueli Maurer perdess la cassa federala uschia 350 milliuns francs.

Sco proxim s'occupa il Cussegl dals chantuns da la fatschenta.

RR novitads 16:00

Artitgels legids il pli savens