L'onn passà èn vegnidas chattadas en Svizra passa 16'600 notas u munaidas sfalsifitgadas. Quai è bunamain 3 giadas dapli che l'onn avant. Motiv principal per l'augment èn dapli tschincuns sfalsifitgads.
Tenor il rapport annual da la Polizia federala fedpol èn vegnids confiscads l'onn passà 14'000 tschincuns fauss. Il dumber da munaidas sfalsifitgadas svizras è creschì per 64 pertschient. Sfalsifitgar tschincuns saja in nov fenomen scriva fedpol en ses rapport.
