Siglir tar il cuntegn

Header

cuntegn

Svizra Trais novs trens da stizzar e salvament per l'SBB

L'incumbensa da 32 milliuns francs va al consorzi da la Germania Windhoff/Dräger. Sco quai che l'SBB communitgescha vegnan ils vehichels novs furnids la fin dal 2018 e vegnan staziunads a Turitg, Bienna ed Olten.

Mintga vehichel consista d'in vagun-cisterna cun 50'000 liters aua, d'in vagun da salvament e d'in vehichel d'iseglia. Cun questa cumpra remplazza l'SBB las ultimas cumposiziuns veglias da l'emprima generaziun. Uschia vegnia la segirtad el traffic public anc augmentà.

Era ils vaguns da salvament dal tunnel da basa dal Gotthard èn da quest consorzi. Als lieus ch'ils vaguns èn plazzads hai mintgamai era in'equipa d'intervenziun. Ellas duai pussibilitar ch'ils vaguns sajan mintgamai spert al lieu. Il tren po charrar cun enfin 100km/h e po runar davent trens stads eri da passa 1'600 tonnas.

La cabina dal manischunz è endrizzada cun ina furniziun d'aria autonoma. En il mender cas san ins evacuar enfin 60 persunas per vagun. Il vagun da cisterna ha plaz per 50 meters cubic aua. Era in indriz da stgima è avant maun.

RR novitads 12:00

Artitgels legids il pli savens