Siglir tar il cuntegn

Svizra Trais quarts dals locataris èn malcuntents

Custs, donns e schletta isolaziun cunter canera procuran principalmain per la malcuntentientscha dals locataris. Dentant er facturs externs sco la taglia, la canera ed ils vischins fan vegnir malcuntent.

abitaziuns da prender a tschains
Legenda: Maletg simbolic: Trais quarts dals locataris n'èn betg cuntents cun las abitaziuns. Keystone

Quai resulta d'ina enquista represchentativa dal servetsch da cumparegliaziun comparis.ch.Per bunamain in terz da las persunas dumandadas è l'abitaziun isolada mal cunter canera, per 22% èn ils custs memia auts e 17% sa disturban vid ils donns.

Er 17% sa disturban vi dal standard da bajegiar da l'abitaziun. Ulteriurs facturs che disturban ils locataris èn: in equipament da bogn u cuschina che na correspunda betg als giavischs, in schlet clima en l'abitaziun, schletta glisch u er la repartiziun da las stanzas. 13% han era numnà ils locaturs sco la raschun per lur malcuntentientscha, cunzunt sajan quels savens betg professiunals e malamiaivels.

RR novitads 15:00