Siglir tar il cuntegn

Header

cuntegn

Trametter fotografias Swisscom stritga il servetsch da MMS

La Swisscom stizza la purschida da «Multimedia Messaging Service», curt MMS. Cun quest servetsch èsi pussaivel da trametter fotografias ed autras datotecas. A partir dal mars duaja il servetsch da novitads per telefonins vegnir tschentà giu pass per pass e svanir dal tuttafatg a partir da l’auter onn.

Quai ha il concern da telecommunicaziun ditg envers l’agentura da novitads AWP. «MMS» vegnian duvrads adina damain en la rait da la Swisscom. Il 2013 èn anc 63 milliuns novitads vegnidas tramessas via quest servetsch. Ozendi vegnian fotografias tramessas sur auters chanals, sco per exempel WhatsApp. La Swisscom ha introducì il servetsch «MMS» avant 20 onns.

audio
Per tadlar: Las novitads da las 17:00
ord RTR Audio dals 09.02.2022.
laschar ir. Durada: 5 minutas 4 Secundas.

RTR novitads 16:00

Artitgels legids il pli savens

Scrollar a sanestra Scrollar a dretga