La midada da la schlattaina en il register dal stadi civil daventa pli simpla a partir dal prim da schaner 2022. Quai ha decis il Cussegl federal. Il parlament aveva decis ina midada da lescha en quest senn avant in onn.
A partir da l’onn che vegn pon las persunas cun in’identitad trans midar svelt e a moda nunbirocratica lur schlattaina e prenum tar l’uffizi civil. Quai cun far ina decleraziun. Quella po mintga persuna sur 16 onns far che è persvasa da betg appartegnair a la schlattaina ch’è en il register dal stadi civil e sche l'autoritad per la protecziun da creschids n'ha betg bloccà quai.