Siglir tar il cuntegn

Header

cuntegn

Transparency International Corrupziun era relevant en Svizra

Er en Svizra detti grond basegn d'agir tar il cumbat encunter la corrupziun. A questa conclusiun vegn l'organisaziun «Transparency International» en sia cumparegliaziun da pajais ch'ella fa mintg'onn. La Svizra fetschia bain vinavant ina buna figura en l'index crodia però enavos da plazza 3 sin plazza 7, e manchentia uschia clermain las meglras valurs – quai tranter auter pervi da nepotissem.

Basegn d'agir haja la Svizra però er en ulteriurs puncts, tals che na figureschan betg en l'index. Tenor Transparency International è quai per exempel en il cumbat encunter lavar daners u tar la regulaziun dal lobbing.

Nus stuain finalmain impedir il nepotissem ch'è derasà ferm e meglierar noss tractament da cunflicts d'interess.
Autur: Martin Hilti Mainagestiun «Transparency International»

La meglra figura fan il Danemark, la Finnlanda e la Nova Zelanda. Tenor Transparency International mussa l'index actual in maletg sumbrivaun per ils secturs publics dals stadis. Anc adina na cuntanschian gnanc la mesadad dals 180 stadis examinads almain 50 dals 100 puncts pussaivels.

Corruption Perceptions Index

Avrir la box Serrar la box

L'index da l'organisaziun cunter la corrupziun «Transparency International» registrescha la percepziun da la corrupziun en il sectur public da 180 stadis (betg en l'economia privata). Quai sin basa da valitaziuns dad experts da la scienzia ed economia. El na mesira pia betg la corrupziun effectiva, mabain l'impressiun dals experts.

RTR novitads 09:00

Artitgels legids il pli savens