Siglir tar il cuntegn
cuntegn

Svizra Transplantaziun: i resta tar il status quo

Il Cussegl naziunal ha finì la debatta davart la lescha da transplantaziun e sco il Cussegl dals chantuns ha el refusà ina midada da sistem. Uschia dastgan ins vinavant mo prender ora organs sche la persunas pertutgada u ses confamigliars han explicitamain lubì quai.

carta da swiss transplant
Legenda: Era en l'avegnir dovri in permis explizit da pudair prender organs d'ina persuna morta. Keystone

Era il Cussegl federal era s'exprimì cunter ina midada da sistem. Il nov sistem vuleva che mintga mort fiss daventà donatur d'organ sch'el n'avess explicitamain betg sclaus quai.

Il parlament svizzer preferescha la via da sensibilisar la populaziun per dumondas da dar organs. El spera uschia sin il plan d'acziun dal Cussegl federal. Lez preveda da far process da donaziun liants en ils ospitals, da crear in post naziunal sco era d'infurmar la populaziun.
Cunquai ch'il sistem actual na vegn midà, na sa mida era betg la situaziun, ch'in mancan organs. L'onn passà èn mortas en Svizra en media mintg'emna duas persunas perquai ch'ellas han spetgà adumbatten sin in organ.

RR novitads 9:00