Siglir tar il cuntegn

Header

cuntegn

Transport da rauba Transportà damain rauba tras las Alps

L'onn passà è vegnì transportà damain rauba tras las Alps. Pervi da la pandemia è vegnì producì damain products industrials e consequentamain hai era dà damain transports. Il 2020 è vegnì spedì 34,8milliuns tonnas rauba sin vias e rodaglias da la las Alps svizras. Quai èn 5,5% damain ch'il 2019, sco l'Uffizi federal per traffic communitgescha.

Sin las rodaglias è il volumen da transport sa reducì cun 6;2% in zic pli ferm che sin via. L'onn passà han 863'000 camiuns traversà las Alps, 4% pli pauc ch'il 2019.

Concurrenza pli gronda – dapli viadis vids

L'Uffizi federal da traffic ha er publitgà ils resultats da l'analisa prinicipala davart il traffic da rauba tras las Alps. Quella vegn manada tras mintga tschintg onns, sa basa sin enquistas e furnescha indicaziuns detagliadas davart la rauba. Tenor la pli giuvna analisa resulta tranter auter, ch'il pais en media d'ina chargia da camiun è sa sminuì per 6%. Il motiv persuenter saja la concurrenza internaziunala pli gronda. Quella chaschunia che las firmas da transport prendan en cumpra ina pli gronda cumpart da viadis vids per survegnir l'incumbensa da transport.

Per tadlar curt e concis:

RTR novitads 12:00

Artitgels legids il pli savens

Scrollar a sanestra Scrollar a dretga