L'Uffizi federal da statistica ha analisà ils custs da lavur da l'onn 2018 ed ha constatà che las differenzas èn tut tenor il sectur da lavur marcantas. En media custa in'ura da lavur 61 francs e 90 raps. Ils custs da lavur sa cumponan da las pajas, las contribuziuns socialas dal patrun e custs da scolaziun e recrutaziun da persunal.
Ils pli auts custs da lavur ha al branscha da finanzas ed assicuranzas, quai cun 93 francs e 20 raps. Sin posiziun dus è la branscha d'informatica e communicaziun cun 79 francs ed 80 raps. Ils custs ils pli bass datti en la gastronomia, cun 38 francs ed 80 raps.