Siglir tar il cuntegn

Header

cuntegn

Tranter Black Friday e Nadal Posta ha distribuì 22 milliuns pachets

La Posta ha repartì en il temp tranter il Black Friday, ch'era quest onn ils 25 da november, e Nadal 22 milliuns pachets. Sco la posta scriva en sia communicaziun, sajan quai radund 6% pli paucs che durant la medema perioda da l'onn passà. Las raschuns sajan tranter auter la luna dals consuments ch'era in zic mendra e che las mesiras da Corona èn vegnidas abolidas. Il medem temp èn vegnidas sortidas 14 milliuns brevs.

Mesiras spezialas tar la Posta

Per far frunt a quest'unda da pachets haja la posta engaschà 500 lavurants e lavurantas temporaras e fittà 350 vehichels supplementars. Ils gronds centers da pachets a Frauenfeld (TG), Härkingen (SO) und Daillens (VD) sajan stads en funcziun fin 22 uras al di.

Dapi ils 24 da december gira ussa per la 26avla giada l'acziun «2x Nadal» per persunas en povradad en Svizra ed en l'exteriur.

Or da l'archiv

video
Dapli pachets – Perquai duai dar in nov center da la Posta a Vaz Sut
Or da Telesguard dals 05.04.2019.
laschar ir. Durada: 3 minutas.

RTR novitads 11:00

Artitgels legids il pli savens

Scrollar a sanestra Scrollar a dretga