Siglir tar il cuntegn
Inhalt

Svizra Traplà: fans dal FC Son Gagl han vulì deponer pirotecnica a Sion

La polizia chantunala dal Vallais ha traplà la notg sin dumengia in flagranti quatter fans da ballape da l'FC Son Gagl. Els han vulì zuppar material pirotecnic en il stadion Tourbillon a Sion. Als quatter giuvens da la Svizra orientala smanatscha uss in scumond da stadion.

duas bumbas da fim sin ina plazza da ballape
Legenda: Adina puspè procura material pirotecnic per disturbis sin la plazza da ballape. (maletg simbolic) Keystone

Tar ina controlla ha la polizia scuvert 25 tizuns d'urgenza, 16 bumbas da fim, 5 tizuns da tarlischur, 25 petardas e dus sprays da paiver, uschia communitgescha la polizia. Ils fans da ballape han vulì zuppar il material en il sectur da giasts dal Tourbillon.

La sonda dat l'FC Sion a chasa cunter l'FC Son Gagl.

RR novitads 22:00