Siglir tar il cuntegn

Header

cuntegn

Svizra Travail.Suisse malcuntenta cun contractivas da paja

Il sindicat Travail.Suisse è malcuntent cun las contractivas da paja dal 2018. Uss pretenda ella ch’ils emploiads duajan era profitar dal svilup economic.

In auzament da paja da 0,5 fin 1% ni almain ina runda da nulla na saja betg suffizient tar in creschament economic da 2,4%, crititgescha il sindicat. Cun in uschè bass auzament na vegnian ils emploiads realmain betg a gudagnar dapli, quai pervi da la chareschia ed las premias da cassas da malsauns pli autas.

Pauc moviment tar las pajas da las dunnas

Era en connex cun l’egualitad da paja na dettia quai betg grond moviment. Uschia na sajan las interpresas betg prontas da prestar in effort per cuntanscher ina egualitad da paja tranter um e dunna. Uss saja temp ch’il parlament s’engaschia per ina revisiun da la lescha d’egualitad ed uschia per che las interpresas vegnian almain controlladas, ha communitgà Travail.Suisse.

RR novitads 10:00

Artitgels legids il pli savens