Siglir tar il cuntegn

Header

cuntegn

Travail Suisse Pandemia ha pegiurà inegualitad da schlattaina en mund da lavur

La pandemia ha rinforzà l'inegualitad tranter las schlattainas en il mund da lavur. Quai mussa ina retschertga da l'uniun tetgala dals sindicats Travail Suisse.

audio
Per tadlar curt e cumpact
aus RTR Audio vom 26.10.2021.
abspielen. Laufzeit 1 minuta 7 Sekunden.

En tut las spartas ch'èn vegnidas dumandadas, sajan las dunnas sa mussadas cleramain pli malcuntentas ch'ils umens. L'onn 2017 era quai be stà il cas tar il criteri da «stress». Ils umens percunter, hajan precepì pli ferm ils avantatgs pervia da la pandemia, sco per exempel la pussaivladad da lavurar da chasa anora.

Mintga tschintgavla persuna è plinavant da l'avis che dunnas ed umens n'hajan betg gì las medemas schanzas da midar en ina funcziun da manar. Er tar l'egualitad da las pajais dettia differenzas marcantas.

Memia stanchel durant saira sontga

En la retschertga ha Travail Suisse er evaluà co la lavur vegn unida cun il temp liber. Trais quarts da las persunas hajan inditgà ch'els vegnian da cumbinar bain la lavur ed il temp liber. In terz saja entant savens memia stanchel per anc rugalar chaussas privatas.

Quest problem vesian ins sur tut en perchasas cun uffants u tar persunas che tgiran anc parents. I manchian vinavant structuras per famiglias u per tgirar ils uffants dasper la scola. Ed en vista a la populaziun che vegn pli veglia, manchia er tar il sustegn per persunas che tgiran parents. Qua vegnia be in terz da las persunas sustegnì.

Betg pli malsaun a la lavur

Schazegià meglier en la retschertga han collavuraturas e collavuraturs la protecziun da la sanadad a la lavur. I vegnia er ì pli pauc savens malsaun a lavurar. Quest svilup saja dentant anc da spetgar giu sch'i sa tractia d'ina midada persistenta u temporara.

Ord l'archiv:

Per l'onn proxim pretenda l'uniun sindicala in augment da paja.

audio
Travailsuisse – pretensiuns da paja per l'onn 2022
aus Actualitad vom 12.08.2021.
abspielen. Laufzeit 42 Sekunden.

RTR novitads 10:00;

Artitgels legids il pli savens

Scrollar a sanestra Scrollar a dretga