Sin la lingia da viafier dal Gottard hai dà questa damaun in grev accident. In tren ha tschiffà dus lavurers da viafier. In dad els è mort en il lieu, l'auter è blessà grevamain ed è vegnì sgulà en l'ospital, ha communitgà la polizia chantunala dal Tessin.
Tenor la communicaziun da la polizia eran ils lavurers vid controllar las rodaglias avant il portal sid dal tunnel dal Gottard. Latiers sajan els vegnids tschiffads d'ina cumposiziun da tren da la viafier regiunala Tilo. Las raschuns n'èn anc betg enconuschentas.
La lingia dal Gottard tranter Göschenen ed Airolo è anc serrada enfin almain las 15:00. Bus da substituziun curseschan enstagl da trens.
