I sa tracta d'ina locomotiva cun quatter vaguns da las viasfier Matterhorn Gottard. L'accident è succedì la damaun curt suenter las otg en la galeria Bäzberg en il chantun Uri.
Cunquai ch'i sa tracta d'ina cumposiziun da manevrar n'eran nagins passagiers a bord. Tenor la polizia chantunala uranaisa n'hai dà nagins blessads. Il locomotivist haja gì in lev schoc. Ultra da quai ha i dà donns materials considerabels.
Pertge che l'accident è capità na san ins anc betg. Ils trens che crodan ora vegnan remplazzads cun bus.
