Tenor gasettas da la gruppa «CH Media» haja l'um oravontut filmà persunas masculinas. La camera ha l'um posiziunà en cabinas da sa stgamiar da bogns u da hallas da sport. Las autoritads sajan vid identifitgar las unfrendas. Ils geniturs da classas pertutgadas sajan vegnids infurmads quest'emna a scrit.
In giast aveva observà l'um
Il delinquent probabel è vegnì arrestà suenter ch'in giast en in bogn aveva sentì che l'um filmava a moda zuppada cun ses telefonin. Tenor indicaziuns da la polizia haja il delinquent confessà ses delicts. Suenter ina perquisiziun haja la polizia confiscà plirs purtaders da datas. I na dettia naginas indicaziuns che las registraziuns sajan vegnidas messas en l'internet. Plinavant saja la qualitad dal material schlet e persunas grev d'identifitgar.
RR novitads 06:00